Հ.Մ.Ը.Մ. Գանատայի Շրջանային Վարչութեան նախաձեռնութեամբ, Շաբաթ 27 Փետրուար, 2021-ին, յետմիջօրէի ժամը 2:00-5:30 տեղի ունեցաւ միջ-վարչական առցանց ժողով։
Ժողովին իրենց մասնակցութիւնը բերին 35 քոյրեր եւ եղբայրներ։ Ներկայ էին Հ.Մ.Ը.Մ.ի Կեդրոնական Վարչութեան անդամ՝ եղբ. Մոսիկ Թոփուզեան, Շրջանային Սկաուտ Խորհուրդի ներկայացուցիչներ, Շրջանային Մարզական յանձնախումբի ներկայացուցիչներ, մասնաճիւղերու վարչական անդամներ՝ Լաւալ, Մոնթրէալ, Թորոնթօ, Գէմպրիճ, Սէյնթ Գաթարինզ .Վանգուվըր, եւ Շրջանային Վարչութեան անդամներ։
Ժողովը բացուեցաւ մէկ վայրկեան լռութեամբ յարգելով յիշատակը մերօրեայ Արցախեան պատերազմի բոլոր նահատակներու եւ ի մասնաւոի Հ.Մ.Ը.Մ.-ական նահատակ եղբայրներու, ինչպէս նաեւ վերջերս մեզմէ առ յաւէտ բաժնուած բոլոր Հ.Մ.Ը.Մ.-ական վաստակաշատ եղբայրներու։ Ապա խօսք առաւ Կեդրոնական Վարչութեան անդամը։
Մասնաճիւղերու ներկայացուցիչները ներկայացուցին մասնաճիւղերու գործունէութեանց հակիրճ զեկոյց։ Շրջանային Սկաուտ Խորհուրդն ու Մարզական յանձնախումբը ներկայացուցին իրենց կատարած աշխատանքներն ու ապագայ ծրագիրները։
Ժողովին վերջին օրակարգն էր դասախօսութիւն, նիւթ ունենալով՝ պատերազմի եւ համաճարակի ազդեցութիւնը մեր հոգեվիճակին վրայ։ Խորհուրդներ երիտասարդներուն։
Դասախօս՝ Տոքթ. Կարին Փափազեան-Զոհրապեան։
Շրջանային Վարչութիւնս կու գայ իր խորին շնորհակալութիւնը յայտնելու Տոքթ. Կարինի շահեկան դասախօսութեան։ Կը շնորհաւորենք վարչութիւններուն ու յանձնախումբերուն՝ իրենց կատարած միութենական աշխատանքներուն, կեանքի այս ամենէն դժուարին օրերուն։
Շնորհակալութիւն բոլորին մասնակցութեան։
Բարձրացի՛ր Բարձրացո՛ւր։ Homenetmen Canada held its annual chapters executive meeting online on Saturday February 27th between 2pm - 5:30pm.
@homenetmencanada @homenetmentoronto @homenetmengamkmtl @homenetmenlaval2010 @homenetmencambridge @homenetmenvancouver
